Sual-Cavab

Layihə DSMF-dən sosial ödəniş alan (Pensiya, Müavinət, Təqaüd, ÜDSY, Kompensasiya), sosial ödəniş kartı olan şəxslər üçün nəzərdə tutulub.

Əmək və Əhalinin Sosial Müdafiəsi Nazirliyi tabeliyində Dövlət Sosial Müdafiə Fondu tərəfindən Pensiya, Müavinət, Təqaüd, ÜDSY, Kompensasiya olaraq sosial ödəniş alan şəxslərə təqdim olunan sosial ödəniş kartıdır.

“Sosial tərəfdaş” partnyorlarından endirim əldə etmək üçün ödənişi mütləq sosial ödəniş kartı ilə etmək lazımdır.

Sosial ödəniş kartından şəxsin özü yox, ailə üzvü istifadə etdikdə də “Sosial tərəfdaş” proqramının partnyorları tərəfindən endirim tətbiq edilir.

DSMF-nin tərəfdaş olduğu şirkətlərin siyahısı ilə dsmf.gov.az saytına daxil olaraq ana səhifədəki “Sosial Tərəfdaş” pəncərəsinə keçid edərək mobil tətbiq üzərindən tanış olmaq mümkündür. Saytda, yaxud mobil tətbiqə daxil olub "Partnyorlar" bölməsində endirimlə (%) tanış ola bilərsiz.

Endirim faizləri tərəfdaş şirkətin aid olduğu kateqoriyaya görə 30%-dək dəyişir

Endirim faizləri tərəfdaş şirkətin aid olduğu kateqoriyaya görə 30%-dək dəyişir. Hansı tərəfdaşdan alış-veriş edildiyini müəyyən edin. Təlimatın sonundakı linkə daxil olaraq tərəfdaşın verdiyi endirimi müəyyən edib bildirin.

Ödənişin sosial ödəniş kartı ilə edilməli olduğunu bildirin. Problem həllini tapmazsa sosial tərəfdaşın adını və əgər vətəndaş bilirsə hansı bankın POS-terminalı ilə ödənildiyini öyrənib qeyd edin. Araşıdırılıb geri dönüş oluncağını bildirin.

Hələ ki, “Apple Pay” və “Google Pay” kimi ödəniş vasitələrindən istifadə etməklə aparılan ödənişlərə endirimlər tətbiq olunmur.

Endirimlərdən yararlanmaq üçün əməliyyat məbləğinin minimum və/və ya maksimum həddinə dair hər hansı limit tələbi yoxdur və endirimlər üzrə maksimum faiz və ya məbləğ limiti tətbiq olunmur.

Sosial ödəniş alan şəxslər sosial ödənişin köçürüldüyü bank kartı ilə layihəyə qoşulmuş tərəfdaş şirkətlərin şəbəkələrində POS-terminallar vasitəsilə ödəniş etdikdə dərhal endirimlər əldə edirlər. Endirim avtomatik hesablanır və vətəndaş əldə olunan endirimi ödəniş qəbzində dərhal görə bilir.

"Sosial tərəfdaş" layihəsi çərçivəsində DSMF ilə əməkdaşlıq edən mağaza, aptek və digər xidmət sahələrinin xidmətlərindən alış-veriş edildikdə və ya onların xidmətlərindən istifadə olunduqda ödəniş sosial odəniş kartı ilə edildikdə tərəfdaşlar tərəfindən endirim tətbiq olunur.

"Sosial tərəfdaş” proqramının partnyorlarından alınan məhsulların geri qaytarılması qərarı tərəfdaş şirkət tərəfindən verilir. Qanunvericilikdə nəzərdə tutulan vaxt ərzində və qaytarılmağa əsaslı səbəb olarsa, mümkündür.

Sosial ödəniş alan şəxslər üçün tərəfdaşın daxili kredit təqdim etməsi könüllü şəkildə həyata keçirilir. Tərəfdaşlardan alınan məhsullara müvafiq banklardan xüsusi güzəştli kredit verilməsi nəzərdə tutulur. Yaxın zamanlarda bu xidmət aktiv olacaq.

Məqsədimiz DSMF-dən sosial ödəniş alan şəxslərin bu loyallıq proqramı çərçivəsində maliyyə biliklərinin artırılması və rifah halının yaxşılaşdırılmasıdır.

"Sosial tərəfdaş" layihəsi nəğdsiz vəsaitin stimullaşdırılması məqsədi ilə ancaq sosial ödəniş kartı ilə ödəniş üçün nəzərdə tutulub.

Alış-veriş edilərkən alıcı ödənişi sosial ödəniş kartı ilə etdikdə də ona fiskal qəbz verilir.

"Sosial tərəfdaş" saytında və mobil tətbiqdə "Müraciət et" bolməsində xüsusi formanı dolduraraq qeydiyyatdan keçə bilərsiz.